Orodkii dugsiyada Muqdisho

Garoonka Banaadir Stadium (Conis) waxaa lagu soo gabagabeeyay ciyaaro dhanka orodka ah oo ay ka qeybgalayeen boqolaal orodyahano oo heerarka kala duwan ah kuwaasoo u kala ordayay dugsiyadda waxbarashada ee gobolka Banaadir.
Tartankaan oo loogu magacdarey Muqdisho Peace Run ayaa todobaadkii ugu danbeeyay ee bishii Janaayo wuxuu ka socday wadooyinka waaweyn ee Muqdisho iyadoo qabashadiisa ay iska kaashadeen xiriirka Soomaaliyeed ee ciyaaraha fudud iyo ururka Somali Run ee ka dhisan Mareykanka kaasoo ay ka socdeen orodyahanadii hore ee Soomaaliya Cabdi Warsame iyo C/qaadir Caraalle.
Xoghayaha GOS Duraan Axmed Faarax ayaa gabagabadii orodkaasi ka sheegay in gudigiisu ay mudnaan gaar ah siinayaan  xiriirada dadaala sida Ciyaaraha Fudud oo kale.
Ugu danbeyntii waxaa halkaasi lagu bixiyey abaalmarino kala duwan oo la siiyay wiilashii iyo gabdhihii orodkaasi ka qeybgalay.
 
C/xafiid C/samad Zaciimka
Zaciimka02@hotmail.com
Share/Bookmark